Tek kjo kategori problemesh, janë gjetur gjithsej 23 raste. Ky problem lidhet kryesisht me aspektin e paqartësisë që krijohet në interpretimin e pasurisë së deklaruar. Konkretisht, paqartësitë lidhen me deklarimin e një prone në një vit, pastaj mos deklarimin e saj në vitet tjera dhe sërish deklarimin e saj në vitet pasuese.
Tri njësi të pasurisë së paluajtshme të cilat janë deklaruar në vitin 2011 nuk janë deklaruar në vitin 2010. Të gjitha këto pasuri janë deklaruar si pasuri të përfituara para vitit 2010.
Në vitin 2015 nuk janë deklaruar dy nga pesë njësitë e deklaruara deri në vitin 2015.
Në vitin 2016 janë deklaruar 11 njësi tjera nga të cilat nëntë prej tyre janë përfituar në vitin 2015 si proces i trashëgimisë familjare dhe dy prej tyre janë të deklaruara si të fituara në vitin 2005 dhe janë në pronësi të bashkëshortes, të dy këto pasuri nuk janë deklaruar në vitet paraprake ose janë të deklaruara me informacione tjera të cilat nuk përputhen.
Formularët e deklarimit të pasurisë:
2010201120122013201420152016Pasuritë e prindërve janë deklaruar vetëm deri në vitin 2014. Ndërsa në vitin 2015 është deklaruar vetëm një pasuri e prindërve e cila nga vlera 25,000 euro është deklaruar në vlerë 86,000 euro. Nga pesë pasuritë e deklaruara në vitin 2014 në pronësi të bashkëshortit, nga viti 2015 janë deklaruar vetëm tri dhe nuk është dhënë ndonjë shpjegim se çfarë ka ndodhur me dy njësitë e tjera.
Formularët e deklarimit të pasurisë:
201120122013201420152016Gjatë viteve 2011-2015 tri nga pesë njësitë janë deklaruar në pronësi të përbashkët. Dy nga këto në vitin 2016 janë deklaruar me sipërfaqe dhe vlerë më të vogël dhe në pronësi të prindërve. Një nga këto nuk është deklaruar fare në vitin 2016 dhe nuk është shpjeguar pse.
Formularët e deklarimit të pasurisë:
201120122013201420152016Një banesë në vlerë prej 30,000 euro nuk e ka deklaruar nga viti 2010 dhe nuk ka dhënë ndonjë sqarim lidhur me të.
Në vitin 2010 ka deklaruar pesë pasuri të paluajtshme ndërsa nga viti 2011 i ka deklaruar vetëm dy prej tyre. Për tri pasuritë e tjera të padeklaruara nuk është dhënë ndonjë sqarim.
Formularët e deklarimit të pasurisë:
201020112012201420152016Në vitin 2015 tri njësi të cilat janë deklaruar veç e veç në vitet paraprake, janë deklaruar si një njësi dhe me vlerë më të lartë. Ndërsa në vitin 2016 është deklaruar vetëm një banesë e cila nuk është deklaruar në vitet paraprake dhe viti i përfitimi të saj është deklaruar “ vitet paraprake”.
Formularët e deklarimit të pasurisë:
2010201120122013201420152016Një pasuri e deklaruar në vitin 2015 si e përfituar gjatë viteve 2012-2014 është arsyetuar me shitjen e 5 ari tokë, por gjatë viteve të mëhershme nuk e ka deklaruar asnjëherë këtë pasuri. Gjithashtu në vitin 2014 nuk e ka deklaruar një tokë me sipërfaqe 33 ari, të cilin e ka deklaruar përsëri në vitet 2015 dhe 2016, por më vlerë më të lartë.
Formularët e deklarimit të pasurisë:
20122013201420152016